*鵰 - 讀音diu 我們是黑鵰
posted by KH11 at 23:28
俾一班唔好波既人win 10球,真係過份.
Sry man...I played quite bad, my 2 direct mistakes and let them got 2 goals.
條氣超唔順,再約佢吔踢,我唔信win唔到佢吔.
又到我執波(跛)仔出黎講兩句既時間啦!畜牲講得好0岩,係球場踢緊既球員永遠唔會知道問題所在(依家我終於有機會體會到...哭)首先,龍門處理死球既問題,基本上大部份(其實係全部)既龍門球都係大腳踢上前(最慘又踢得唔夠前)往往去到中場線又比人截哂,讓己隊中前場球員得個走字,之後好快比人打反擊。其實大家可以諗下個責任唔係所有在龍門身上,作為中堅及左右後衛可儘量向兩邊分散「仍」波,不讓對手直接搶球得手射門,亦可令龍門有更多傳球選擇.中場方面,分工是一個十分要緊的關鍵,不難發現比賽勝負往往取決在中場的搶截,我依然覺得中場必須有一個負責進攻,另一個負責防守的分佈,人選方面,進攻由Roy及琮仔選擇,此二子無論在個人技術、傳球及閱讀球場能力都是隊內數一數二的,最重要可讓與前鋒有一個聯系,但踢這個位置好講體力,所以勸此二子比賽前夕小D行房或打飛機啦(一個又腰痛另一個面都青哂..)至於防中方面,我一向主張放狗式方法(搵畜牲去踢此位)此子...sorry此動物最強地方就係死咬唔放(見「牠」對住個商場保安就知啦!),我幾時都話,輸波唔緊要,千祈唔好輸埋個勢,交失波或比人囉左波唔緊要,最緊要係有鬥心去追番對手,搶唔返個波都唔好咁輕易比佢射波或傳波,好多時大家就係衰太懶,失波後冇去追返,讓對手蜂擁而上,最後比對方人多打我地人少下入波,其實最近我地平均都有十一、二個隊友在陣(我明白在場內是7對7,但我們有的是後備兵源充足,這是我們與其他球隊優勝之處,希望每位在場內的每一分鐘就是決勝的一分鐘,無氣唔怕,出黎換人,休息夠再出去拼搏,這種鬥心才是在足球場上的態度,我們踢得不好,技術不好不重要,最重要是鬥心!除畜牲外,Clement & Trevor都係防中最佳人選,前者防守及包位意識良好,兼前顧後,後者雖然在速度上有劣勢,但鬥志可嘉,亦贊同「牲」哥講法,儘量與對手留D空間,因為你出腳時就係對手有機可乘的時間,他一過便貼著他的身,將腳長的優勢用於此時,下仗不防試試...未完待續
補充中場配合方面,後防或防中除非在前面有足夠空間推進外,應第一時間將球交予進攻中場球員,左右閘球員Danny,Daniel及Tony都是助攻能手,可多些參與助攻(都係0個句,冇氣咪換人0羅),但切記中堅球員Sam,Andy或Herman應儘量留守最後,不應讓對手太越位成功(雖然冇吹越位).前鋒線方面,欠缺了靈魂人物係會蝕底D(ha ha..),但後生可畏,不論是Samson或回歸的Lawrence,或越老越可愛的阿Dee都是值得信任心的,Samson的運動世胞出衆(應記唔係遺傳佢老豆阿Sam的),肯走肯拼,怎有作為,但切記多D練基本功,呢個年紀吸收得最多最快,唔似我地老一輩D年紀.Lawrence始終有些壞習慣,接波(用腳內側接唔係用腳掌接)、追波(不是打斜走而是一路攞身位一路向波走),但都係鬥心夠強,有足夠時間去改進(係紐西蘭「渣」多D牛奶飲,大隻D,有身型就個個後衛都怕你嫁啦)阿Dee是我們最有信心的前鋒(除了我!)無論速度、身型及入楔都相當好,始終年紀是最大的問題(希望他老人家睇唔到呢個訊息),所以可作後備殺手,相信在前線有更大的作用。未完待續
first,小弟在今場比賽中表現不濟..在此致歉...跟住..亦都以自身角度睇到既一d野...同大家講下...全場比賽大家踢得好辛苦...點解??? 唔係對手勁...唔係我地弱... 勝負分野在於點樣去用個波...對手點去用唔講啦...講番自己好過啦...我地係踢梗7人場唔係英超..我地係bd唔係man_u...我亦都講多一次""7人場唔該,地波為主"""希望係最後一次講...我地有波在腳冇人逼都是但一腳轟上去...有冇實際作用呢..."""有波在腳先會有進攻"""ok...可能在座有d隊員係害怕去控定再傳...怕控失會俾人少媽媽...但係點都要去試...唔試就=我地踢少一個...人地搓失左之後冇耐...又踢番俾人..人地真係多謝都講唔切..我地就好似俾波人地攻...同樣地..中場球員係去組織定係去追個波呢...中場球員d體力50/50 去進攻防守...而家係bd踢波就係80追波20就組織...所以就算係再有氣有力 ge 全能球員都只係落去跑步...所以唔好再話我地賽前打飛機啦...追波追到冇氣冇力係正常的..你地已經習慣左踢高波...你地有種壞思想:"哦~佢拎梗波..唔關我事..e..樓得幾好wo..企係到睇多陣先"..唔該,空位幫波...
p.s.我亦都對球隊有d野講:::龍門方面::無論邊個打籠都好...減少高波...配合番球隊改革ge 方向...而家bd 籠門唔係只係企係白線前面...後防拎波既盡量幫波減少佢地踢上去冇人地帶ge次數...籠門識踢波就=我地踢多個...後防方面 :: (小弟出身至今大小比賽都係出任後防,,,經驗之談))防線人選係正確的...但係 問題太多啦...(標波,唔跟人,唔提場,輕出,企位.....)街場ge後防往往係控制比賽節奏既角色..如果係又踢上去..唔係又踢上去...就係虐待梗自己d隊友...防守部法錯得好嚴重...必須改善...仲諗住俾d區域聯防ge 概念你地...看來要押後...daniel 你有身型..人地逼你果陣..記得唔好放低你隻手..拎起你隻手擋住人..令到佢同你有少少距離...講唔晒..唔嫌棄既遲d教你地...中場方面::Jacky 出任防中要再硬朗 d...but唔係叫你出腳...踢中場多數係用身體埋人身而唔係用踢埋人身...你成日都係出腳先...一搓就過左...本人ge野就等你地講啦...前鋒方面::記得單箭頭唔好走左去邊線(Trevor毛病)...記得企係兩個防守球員之間..令佢地產生誤會...一有波既hold住等人上..冇把握就唔好獨闖..其實有好多基本野想講番...如果真係唔嫌惡本人黃毛...我亦好樂意係練習賽分享下...but我都好嚴下..哈哈我相信冇人比賽係想輸波...但係唔改善就只係等輸波...d波bring去次前請bump 實d...有利冇害
Updated.鍾仔係兩球助攻.仆街,今多中文,睇死人咪.首先,今場小弟D火焰射球係嚇親大家,但高興係我覺得第一球應該係Blackdiu其中最靚的—球"係做到的,全地面交波而入波"大至上Kenny同鐘仔都講到哂D問題,終於知道點解我企係都睇波.By the way,條仆街保安我其實都幾服佢點解可以今大膽,佢係咪坐都傻左.補充係:前線要走前又走後來key波,D對方後方好難mark你家,阿Roy係這點做得好好.後方有機會就要壓,但中堅一定要指揮方線.鐘仔原來你踢後的,唔怪得你D走位麻麻.但我係到時你要踢前D.因我大你十年的速度已不及你,要你爆.等我用我D老經驗講講:我真係極少出腳,要過我同要我出錯腳係好難.唔俾人過到其實當然唔亂出腳冇事,但有時要有偷波既心態,所以判斷每個對手能力及扭波路線,怏反應知道對手幾時控差少少,及留假空位要一定有更深經驗呀.
好很多字呀, 我秒秒鐘幾廿萬上落, 要用成幾分鐘睇哂, 咁就唔見左幾百個... 好, 到我講...第一次見到畜牲同kenny咁同聲同氣, 實在可喜可賀. 而家kenny重傷, leo唔知去左邊, 我打住前面先... 反而我又覺得我打前時得閒走左走右又走中間無咩問題, 其實我都係睇你地同對手走位而走位. 進攻中場(無論係roy定鐘仔)多數都係比較鐘意企正中間偏前, 所以2個人企到咁近我不如走邊少少幫左右閘攞波之後再交好似會好d. 之前如果kenny在陣我打正前時我就真係企正中間就得因為佢走邊為主, 真係好睇拍邊個架, 唔係咩習慣或者毛病. 我對保護個波&同人闘撞幾有信心 (玩爆就唔好預我), 自問身位都有90, 所以你地交波俾我頂住人我再交番出去俾你地後上又得, 只不過對手強過我地, 我都明白要你地用個波上前場真係有d難度. 我又學畜牲玩by the way, 今次我都好服個胡禮仔咁夠吉屎兇9我, 佢咁細粒如果同我開拖,我都幾sure佢屋企人可以claim足佢份傷殘or人壽保險.
見大家都對隊波咁有熱誠,我都講我既意見.首先我唔介意琮仔你教點用對手踢波,有空就同我講吓啦.跟住我好應同唔好再用大腳長傳呢個方法,唔係踢走個波就唔關自己事,我都曾經踢過前鋒,雖然技術唔好,但如繼續想用長傳將個波傳去前場,咁樣做中場或前鋒真係只會得個"跑"字,因為BD既球員大部份基本功都唔係太好,如果用長傳再加上有對手壓逼下,九成九會接唔到個波,又或者俾對手中場截哂.讓我坦白點, 通常一腳長傳都係龍門及中堅會咁做, 不論邊個做呢兩個位, 當大家擔任呢兩個位就好自然會一腳將個波踢前. 其實可以將個波交俾兩閳或回傳給龍門, 總之都係個句 - 個波要係自己既腳下先有得踢.而我自己有一種感覺, 係踢左後防之後有的, 就係有某些隊友唔相信自己隊友, 即使隊友企係空位, 但如果佢唔值得相信, 佢會冇波到, 咁樣只會令某些隊員不願再走位, 就算走到位都唔會有波到, 等如被人禁住攻-"白走", 大家都知道BD既隊員有幾多料, 即使係差都要大家合作, 互相信任, 咁樣亦可以俾一D比較差既球員自己吸收經驗, 又或者可以令每個隊員知道自己最適合邊個位置.黎緊呢兩個月暫時都冇對手, 希望大家都會出席並嘗試實行新的踢法. 講完.如大家覺得以上既意見係廢話. That's fine.
另外有其他野要交代.EZ將於08年1月開始加價,我吔有三個選擇,請大家提議吓1. $200/月 - 每月只可踢兩場 (加左$50)2. $300/月 - 每月任踢 (加左$150)3. 唔經EZ Book場, 但以後冇得踢
If it is per month pay, I would say try to apply soccer field through email 1 or 2 months and do more pratice games or date friend team to play when u all are ready~
we can book the field through e-mail?
BY KAREN我唔識踢波,但只是給小小意見:身位:大陪份成員欠奉....我們的人成年的可能較slim,有些在發育中,講真身位好多場都輸給對手架,今場我看到的係...波去到前峰,但一個屈尾十,又給人拿左呢, 好似永遠都拿不到個波. 好記得有人於場邊唱:黑傳黑,最後又係交番俾黃衫....我估真係要學下呀咋啲了.把口:多些讚美,小點怨言吧, 冇一個真係踢到好到不用隊友架,你們隊友才是值得信任的一個.今場,我好欣賞jacky同kenny,沒有之前火氣反而客觀左呢. 在場邊有講有笑的去評論呢(可能輸得太多...傻左 :p)漏氣:好得意架...個個bd的人在一出場永遠好似未夠熱身架..對手己經走得好快,但我們的人場場都要十五分鐘後才charge滿電咁架.....但嗰時己給人入左波喎,又輸左個勢了...我只是婦仁愚見,但又想講吓一些不是踢波以外的感覺呢.
最新消息來激勵一下大家......今早當我看完大家的留言後,我心有不甘,所以食飯時我問Terry(剛剛的對手其中一員)何時讓我們覆灼,他說他的隊友話不想跟我們再交鋒因為實力相差太遠了,我覺得我地真係要爭氣!!!其實我覺得輸波唔緊要,但係我地真係要從失敗中學習,我很高興現在真見到大家的HEART,其實這樣某情度上已經成功了,最難得我見到棕仔好有心去分析我們的短處而加以指示,我相信我們每一個隊員都沒有嫌惡你這個黃毛,我希望你能成功把我們改革,DANIEL說目前暫沒有對手,我希望大家可以先出來認真作一課操練......
Please note I posted before. No play with them again then no play lol, I dont care to play with them again, not like ER, this team has no great player in my eye.Jacky said... UPDATED.小弟今場做拾波仔,睇左成場波,應該俾D意見既.個人評分(差 1-5 好):Kenny: 3.5. 細場冇得亂爆,因此控制到自己.謙控波係都要'的'一下,慢左,超級壞習慣.羅波前多D睇自己友位置,羅到先睇就慢.Daniel: 4. 掃哂右路.應該係繼Sam同我後有'唔俾人過'的小矛意識.記住對手係乜腳. 可以俾D假空位D扭得對手,下場試範.Antony: 2. 頂你個肺,連對手都笑9你.你自己諗諗自己先啦.琮仔: 3.5. 應該係打得飛機多,細佬仔就唔好去今盡啦.Woon: 3.5. 救都波,冇蝦碌.欠出好的龍門球.Danny: 3. 係後場多D出聲,頭頭失D波就係自己友誤會,看來都幾喜歡做龍門.Andy: 3. 永遠D龍門球同斬波唔準,失了一係斬俾人頂再射.位置同反應都要改善.Trevor: 3. 唔好亂標波,你知唔知今係太易被人過. 因你速度慢,真係標唔切D有技術對手. 你有冇見過奧沙好易被人過呀?佢係靠食身位家.阿偉: 2.5. 亂爆盡少吧.有速度,但要諗諗點用好D.Dee: 3.5. 攻擊力一流,所以踢後位置感不夠.那球入波的走位係Kenny及其他前鋒要學習的.Samson: 4.5. 正前鋒係唔洗店得多波,入3球非負碌.位置及把握力好好.當然還年輕,很多野要學習.
I meant sign the forms by ourselves then we can hand in so they will send us the soccer field notes after draw!!
發佈留言
<< Home